Psa 24 | TVK | STEP | Suv toto Deved iaxa tetisi Ut etan e holesok xil vus xa di en be na Iahova, ngan xil xa lameul ladi en, labe nan.

Psalms 24

Hi be suv toto te minahinen

Suv toto Deved iaxa tetisi

1 Ut etan e holesok xil vus xa di en be na Iahova,
ngan xil xa lameul ladi en, labe nan.
2 Xi teling tan de nesao e huinep te tas,
vatit ut etan, tepol ni pe huitas te tas.

3 !Reitin! Iahova be Hi te xeihen.
?Misak ni, visi iaxa mikila vahe nesao e Vathu Saeon na Hi?
?Visi mikila vahe Nim Eo e rute ak?
4 Ngan xil kestang xa sexien nae e nenemien nae memese.
Ngan xil xa latahusil ti hi sav xil e langgusil xat hitxatien nan xil vehakut.
5 Ngan xil ak, Iahova ituxol xat xil e iteh meulien e xil.
E pe met ngan xil xa di laketeh misa ni xil, xi ihit rati xa xil lamese.
6 Hisit moletin xil ak lakila lamei visal Hi.
Xil lakila lamei pe met Hi na Siekob.

7 !Sah puiteh te vioh!
Puiteh te Nim Eo, musaha,
tengan Suv Toto te minahinen imei nim.
8 ?Visi iaxa be Suv Toto te minahinen?
Xi be Iahova xa be eilep pupu e nggur xeihen,
xi iaxa di bae mili e vaeen xil xa tellep.
9 !Pus ti mu! Iahova te minahinen bemei.
!Sah puiteh te vioh te taon ven!
!Puiteh te Nim Eo musaha!
10 ?Visi be Suv Toto te minahinen?
Iahova, Suv te ut nesao.
!Xi be Suv Toto te minahinen!